Tilfar

3 dl mandlur

200 g frískar dadlur

2 spsk kokusfeitt

3 spsk kakaopulvur ella 2 tsk kardumummupulvur

salt

Soleiðis gert tú

Blenda mandlurnar til mjøl, koyr í eina skál. Sker dadlurnar í helvt og koyr steinarnar burtur. Blenda dadlurnar væl saman við kokusfeittinum (smør kann eisini brúkast). Goym eitt sindur av mandlumjølinum til at rulla kúlurnar í til síðst. Koyr restina av mandlumjøl í, eitt sindur í senn til massin er rímiliga fastur (ikki klistrut). Koyr kakaopulvur ella kardumummupulvur í daldumassan (tú kanst eisini taka helvtina av dadlumassanum frá og gera bæði sløgini í tveimum) og blenda væl saman við einum dimsi av salti. Rulla nú massan til kúlur og rulla tær í restini av mandlumjølinum. Stilla í frystiskápið í uml 2 tímar áðrenn borðreitt verður.