Quesadillas

Quesadillas við heimagjørdum salsa

Prenta uppskrift
Tíð í alt: 30 minuttir
Persónar: 1

Tilfar

  • matolja
  • 125 g mali oksakjøt
  • 0,25 stk reyðleyk
  • 0,5 fet hvítleyk
  • 0,5 tsk oregano
  • 1 spsk tacosauce
  • 1,5 stk tortilla
  • 50 g mais
  • 0,15 stk piparfrukt
  • 40 g rivin ostur

Salsa

  • 40 g cherrytomat
  • 0,25 stk reyðleyk
  • 0,25 fet hvítleyk
  • salt og pipar

Afturvið

  • 0,5 dl súrrómi
  • evt frísk koriander

Vegleiðing

  • Hita ovnin á 200C (ella steik tortillurnar á pannuni).
    Steik oksakjøtið í eini grýtu í matolju. Ímeðan flys og hakka reyðleyk og hvítleyk og steik saman við kjøtinum. Krydda við oregano, tacosauce, salti og pipari. Drena mais, hakka piparfrukt í lítlar tern. Tak eina tortilla, koyr kjøt á, mais, piparfrukt og rivnan ost omanyvir og legg eina tortilla omaná. Ger hetta við restina av tortillunum. Baka allar quesadillurnar í ovninum á eini bakiplátu við bakipapíri á í uml 10-15 min ella inntil tær hava fingið farvu á kantarnar.
    Steik á pannuni - koyr fyllu á helvtina av tortilluni og steik á pannuni í matolju eina helvt á gangin.
    Ímeðan ger salsa. Hakka cherrytomatir og reyðleyk fínt og blanda saman í eini skál, pressa hvítleyk í skálina, krydda við salti, pipari og matolju.
    Borðreið við súrróma og evt frískari koriander.
    SKUND? Borðreið sum tortillawraps ístaðinfyri í ovnin.

Tú skalt sjálv/ur hava

matolja
salt og pipar
oregano
evt frísk koriander
Royn matkassar?Sí meira á Matbitin!