Tilfar

80g valnøtir

200 g frískar dadlur

1 spsk kokusolja uttan smakk

3 spsk kakao

1/2 tsk vaniljupulvur

1 dims salt

90 g myrk sjokoláta 70%

Soleiðis gert tú

Blenda valnøturnar til fínt mjøl, koyr steinarnar burtur úr dadlunum og blenda saman við valnøtumjølinum og kokusolju. Koyr kakaopulvur, vaniljupulvur og ein dims salt í og blenda væl. Stilla á køl í uml 15 min. Rulla deiggi til smáar kúlur. Smelta sjokolátuna í eini grýtu á lágum hita. Sløkk áðrenn øll sjokolátan er smeltað og rør runt inntil øll sjokolátan er smeltað. Vend kúlunum í sjokolátuni og legg á ein tallerk við bakipappíri á. Stilla í køliskápið inntil sjokolátan er staðnað.