Middegismálar

 

Ger eyka salat, sum kann takast við til matpakkan dagin eftir. Um restir eru av kjøtinum, tak hetta við í matpakkan ella kóka t.d. egg og koyr í matpakkan.

 

 

Til vikuskiftisrættirnar

 

Spískkál ella reyttkál

Sker káli í fjóðringar og steik á pannuni við akaciahunangi, matolju og salti.

Ella brúka tað fríkst í salatir.

 

Spinat

Ger ein grønan smoothie við spinat, banan, kiwi og mjólk. Spinat hóskar seg væl í øllum sløgum av smoothies.

Ella brúka tað í salatum.

 

Søtepli

Sker søteplir í helvt ella til kips og koyr matolju omanyvir og krydda við salti og piapri. Baka í ovninum (175C) til søteplini eru blivin moyr. Kann kryddast millum annað við turkaðum ella frískum timian og/ella oregano.

Søtepli kann eisini kókast til tey blíva moyr og mosast. Krydda við salti og pipari.

 

Quinoa

Kóka quinoa og koyr í salatir ella borðreið sum tað er.

 

Fríkst timian

Brúka fríkst timian til steiking av búffum ella omaná eina steik, sum skal bakast í ovninum.

Eisini ber til at koyra tað í grýturættir. Brúka bert bløðini og ikki stelkin tá.

 

Mynta og persilla

Pifta salatina upp við at blanda myntubløð og/ella persillu í.

Koyr myntu í smoothies.

 

Rivin ostur

Morgunmat ella miðmáli: Ger røregg á pannuni og blanda rivnan ost uppí á pannuni. Krydda við salti og pipari. Borðreið við broysknari parmaskinu, ristaðum kjarnurugbreyði og/ella avokado.

 

Broysk parmaskinka – hita ovnin til 175C. Legg parmaskinku á eina bakiplátu við bakipapíri á. Baka í ovninum til parmaskinkan er broysk – uml 10-15 min.