Tilfar til 3 pitsur

3 stk fryst Il fornaio pitsudeiggj (bollar)

 

Tilfar til tomatsós

12 stk cherrytomatir

1 reyðleykur

4 fet hvítleyk

1 rokað tsk oregano

1 nevi basilikumbløð

kiliflakar

85 g tomatpure

salt og pipar

30 g vatn

 

Pynt

3 pk frísk mozzarella

3 pk ventricina pylsa (evt fennikapylsa, um man ikki er til sterka pitsu)

 

Soleiðis gert tú

Deiggið:
Um morgunin tak pitsubollarnar úr boksini og legg teir í 3 skálir. Stoyt olivinolju omanyvir og legg film yvir. Lat teir standa á køksborðinum til um kvøldið – tá skuldu teir verið hevaðir.

Tomatsós:
Steik cherrytomatir, leyk í bátum og hvítleyk í eini grýtu í olivinolju. Tá alt hevur fingið eina góða steikiflatu, koyr basilikumbløð, oregano, tomatpure, nakrar kiliflakar, salt, pipar og vatn í.
Lat kóka í 10–15 minuttir við lágum hita. Lat sósina kólna, og blenda hana síðan við stavblendara.

Pitsa:
Hita ovnin upp í 275 °C við eini bakiplátu inni í ovninum.

Legg bakipappír á borðplátuna og stroy mjøl á – gjarna durum/semola, um tú eigur tað. Vend skálini á høvdið, so deiggið leggur seg á mjølið.
Stroy eitt sindur av mjøli omanyvir pitsabollan, og trýst varliga við fingrunum í miðjuna, so tú fært ein kant/skorpu uttast. Drag varliga í deiggið, so tað verður størri, men varðveitir kantin.

Smyr tomatsós á pitsuna, brót 1 pk. mozzarella á sósina og legg 1 pk. pylsu omanyvir.

Tá ovnurin er heitur, tak bakiplátuna út og hála pitsuna (við bakipappíri) á plátuna. Baka í 8–10 minuttir, alt eftir hvussu ovnurin bakar. Hygg eftir skorpuni leypandi.

Ger tað sama við restini av pitsunum og baka eina pitsu í senn.

Legg frísk basilikumbløð á, áðrenn borðreitt verður.